Heim

Lífsveiflutækni

Rayonex

Rayonex kynning
Rayonex tæki
Rayonex bætiefni
Rayonex umhverfi

Rannsóknir

Heilsa

Fréttir

Um Vitalis

Meðferðaraðilar

Rayonex Wiki

Vitalis á fésbókinni

Video kynningar

 

 

Um Vitalis ehf

Undirritaður er framkvæmdastjóri Vitalis ehf. Menntaður rafeindavirkjameistari með áhuga á rafsegulmengun og húsasótt. Undanfarin tuttugu ár hef ég stúderað rafsegulfræði og hugsanleg áhrif rafbylgna á líkama manna og dýra. Á þessum tíma hef ég gert mælingar á yfir þúsund heimilum og vinnustöðum. Samhliða þessari reynslu og viðkynningu sérfræðinga á þessu sviði um allan heim hef ég skrifað fjölda greina um rafmengun og hugsanleg áhrif hennar og árið 2003 gaf ég út bókina Rafsegulsvið! Hætta eða hugarvíl? Þar er gerð tilraun til að nálgast þennan málaflokk á fræðilegan hátt og finna hugsanlegar skýringar á fyrirbærum sem vöktu furðu og voru kennd við rafmengun. Fjölda greina má nálgast á vefsíðu minni en einnig á vef Heilsuhringsins. Tvisvar á ári held ég námskeið hjá Rafiðnaðarskólanum sem nefnist Rafsegulsvið! Hætta eða hugarvíl? sem fagmenn hafa sótt vel á undanförnum árum.

Til að auka þekkingu og færni á sviði heilbrigðis ákvað ég að fara í nám í London og sérhæfa mig í Bioresonance Therapy. Skólinn sem varð fyrir valinu var Biomedic Foundation í London, Centre For Bioregulatory Medicine. Námið fór fram í London og Wales. Frábærir kennarar og forréttindi að kynnast hjónunum Damir A. Shamabet MD, FellowBRCP, FellowBSBM og Dr. Tatyana Bosh MD, MPRCP, MRSPH, FBSBM. Frábært hugsjónafólk sem hefur skýra sýn á heilbrigði án lyfja. Þau berjast fyrir breyttri nálgun á heilbrigðiskerfinu og samþættingu hefðbundinna læknavísinda og óhefðbundinna meðferða. Þau hafa m.a. þróað greinina Bioregulatory Medicine sem er að ryðja sér til rúms víða í heiminum, lækningar án lyfja með breyttum lífsvenjum og notkun óhefðbundinna lækninga. Einnig var frábært að kynnast hjónunum Christine og John Doyle en þau reka Healthleads fyrirtækið í Wales. Christine er meðal fremstu heilpraktikera í Bretlandi og var nemandi Huldu Clark.

Árið 2011 byrjaði ég að praktisera með Bioresonance sem ég kýs að kalla Lífsveiflutækni eða lífómun. Árangurinn var á köflum ótrúlegur sem sannfærði mig um að halda áfram á þeirri braut. Í dag hef ég aðsetur í Rósinni Bolholti 4, 4h og vinn með eitt fullkomnasta tæki sem völ er á í Bioresonance, Rayonex 1000Polar. Til að taka skrefið enn lengra stofnaði ég með fjölskyldu minni fyrirtækið Vitalis ehf til að halda utan um rekstur í lífsveiflutækni og mælingum og ráðgjöf um heilsu og hús.

29.01.14

Valdemar Gísli Valdemarsson
GSM: 659-6070
vitalis@vitalis.is
www.lifomun.is 
www.simnet.is/vgv

 

 

 

vitalis@vitalis.is - sími 659-6070